पुणे - देशभरात एकीकडे 'मुलगी वाचवा देश वाचेल' असा नारा दिला जातो. तर दुसरीकडे त्याच मुलींची भर रस्त्यात छेडछाड झाल्यास, या मुली आपली बदनामी होऊ नये म्हणून घडलेल्या प्रकारावर पांघरुण टाकतात. मात्र, शिरुर तालुक्यातील मांडवगण फराटा गावात महाविद्यालयीन तरुणीची वारंवार छेड काढणाऱ्या तरुणाला पोलिसांनी बेदम मारहाण केली होती.
मांडवगण फराटा : पोलिसांनी तरुणाला केलेल्या मारहाणीचे गावकऱ्यांकडून समर्थन, पोलिसांच्या समर्थनात गावबंद आंदोलन
या मारहाणीचा व्हिडिओ देखील व्हायरल झाला होता. आणि त्यावर विविध प्रतिक्रिया उमटत होत्या. अनेक स्तरांतून यामधील पोलिसांची वागणूक चुकीची असल्याचे बोलले जात होते. मात्र, या मारहाणीचे मांडवगण फराटा येथील महिलांनी आता समर्थन केले आहे. तसेच गावकरीही महिलांच्या आणि पोलिसांच्या मागे ठामपणे उभे राहून, गावातील महिला व मुलींच्या सुरक्षेसाठी गावबंद करुन टव्हाळखोरांच्या विरोधात आंदोलन केले.