पुण्यात पुन्हा जळीतकांड, पार्किंगमध्ये उभ्या असलेल्या वाहनांना आग

इमारतीच्या पार्किंगमध्ये उभ्या केलेल्या वाहनांना आग लागून ११ वाहने भस्मसात झाली. सदर घटनेचे कारण अद्याप अस्पष्ट असून अग्निशमन दलाकडून आग आटोक्यात आणण्यात यश आले आहे.

पुणे - इमारतीच्या पार्किंगमध्ये उभ्या केलेल्या वाहनांना आग लागून ११ वाहने भस्मसात झाली. सदर घटना शनिवारी मध्यरात्रीच्या सुमारास पर्वती पायथा, सानेगुरुजी शाळेसमोर बिल्डिंगच्या पार्किंगमध्ये घटल्याचे सांगण्यात येत आहे. या घटनेत 6 दुचाकी व 1 रिक्षा पूर्णत: जळाल्या. तर, 4 दुचाकींना आगीची झळ बसली. घटनेचे कारण अद्याप अस्पष्ट असून अग्निशमन दलाकडून आग आटोक्यात आणण्यात यश आले आहे.