PMPML Contractors Strike : 'पीएमपीएमएल'च्या ठेकेदारांचा अचानक संप; प्रवाशांची गैरसोय

पुणे महानगर परिवहन महामंडळाला बसगाड्या पुरवठा करणाऱ्या चार महत्त्वाच्या ठेकेदारांनी अचानक संप पुकारल्याने पीएमपीएमएल च्या ताफ्यातील निम्म्या गाड्या कमी झाल्या आहेत. त्यामुळे शहरातील रस्त्यावर पीएमपीच्या बस कमी झाल्याने मोठ्या प्रमाणावर प्रवाशांची गैरसोय होत आहे.

पुणे:पीएमपीएमएलच्या ठेकेदार असलेल्या ओलेक्ट्राओलेक्ट्रा (ई-बस), ट्रॅव्हल टाईम (सीएनजी), अँथोनी (सीएनजी), हंसा (सीएनजी) या ठेकेदार असलेल्या कंपन्यांनी संप पुकारला आहे. गेल्या तीन महिन्यांपासून पीएमपीएमएल प्रशासनाने बिले न दिल्याने या ठेकेदारांनी संपाचा निर्णय घेतला आहे. पुणे महानगर परिवहन महामंडळाकडील खाजगी बस ठेकेदारांनी दुपार पाळीत अचानक केलेल्या संपाबाबत पीएमपीएमएल प्रशासन म्हणाल की खाजगी बस पुरवठादारांनी अचानक संप केल्यामुळे दुपार पाळीमध्ये १४२१ बसेस पैकी १२३ बसेस मार्गावर उपलब्ध झाल्या.

प्रवाशांच्या गैरसोयीबद्दल दिलगिरी: मे. ट्रॅव्हल टाईम मोबिलिटी इंडिया प्रा. लि. मे. एन्टोनी गॅरेजेस प्रा. लि. मे हन्सा वहन इंडीया लि., मे. ओलेक्ट्रा ग्रीनटेक लि. मे. इव्ही ट्रान्स प्रा.लि. व मे. ओहा कम्युट प्रा. लि. यांनी संपात सहभाग घेतलेला आहे. दोन्ही महानगरपालिका यांचेकडुन निधी उपलब्ध होणेबाबत मागणी केलेली आहे. तसेच 17 मार्च पर्यंत संबंधित ठेकेदारांचे बिल अदायगी करण्यात येत असल्या बाबतचे पत्र 3 मार्च रोजी परिवहन महामंडळाकडून देण्यात आलेले आहे. तसेच उद्या मार्गावर १२५ बसेस उपलब्ध होणार असून विद्यार्थी/प्रवाश्यांची गैरसोय होणार नाही याबाबतचे नियोजन करण्यात आलेले आहे. पुणे महानगर परिवहन महामंडळ प्रवाशांच्या झालेल्या गैरसोयीबद्दल दिलगिरी व्यक्त करत आहे, असे यावेळी चीफ ट्रान्सपोर्ट मॅनेजर (ऑपरेशन) सतीश गव्हाणे यांनी सांगितले आहे.

पीएमपीएमएलच्या ताफ्यात किती बसेस? पीएमपीएमएलच्या ताफ्यात 2 हजार 142 बस आहेत. त्यापैकी 1100 बस ठेकेदारांच्या आहेत. तर पीएमपीच्या स्वमालकीच्या 900 बस आहेत. पीएमपीचे बसगाड्या पुरवठा करणारे 2 ठेकेदार वगळता उर्वरित 4 ठेकेदारांनी हा संप पुकारला आहे.

नवीन पब्लिक चार्जिंग स्टेशन: पुणे महानगर परिवहन महामंडळाच्यावतीने येत्या काळात नवनवीन योजना सुरू करण्यात येणार असून पीएमपीएमएलची वाटचाल आत्ता ई कडे होणार आहे. पीएमपीएमएल नवीन पब्लिक चार्जिंग स्टेशन , ई कॅब सर्व्हिस तसेच महामंडळाच्या ताफ्यात आणखी 500 ई बसेस लवकर दाखल होणार असल्याची माहिती पीएमपीएमएलचे व्यवस्थापकीय संचालक लक्ष्मीनारायण मिश्रा यांनी 27 जानेवारी, 23022 रोजी दिली होती.

ओला उबेर प्रमाणे ई कॅब सेवा: पुणे महानगर परिवहन महामंडळाच्यावतीने प्रवाश्यांच्याकरिता ओला उबेर प्रमाणे ई कॅब सेवा सुरू करण्यात येणार आहे. परिवहन महामंडळाच्यामार्फत ऑक्टोबर 20121 मध्ये ई कॅब प्रकल्पाबाबत लोकांकडून ऑनलाईन सर्व्हे घेण्यात आला त्यात 9180 लोकांनी भाग घेतला व त्यात 92 टक्के लोकांनी ई कॅब सर्व्हिस चालू करण्याबाबत हमी दर्शवली आहे आणि हे प्रकल्प लवकरच अमलात येणार आहे, असे यावेळी लक्ष्मीनारायण यांनी सांगितले होते. पीपीपी मॉडेलवर पब्लिक चार्जिंग स्टेशनपुणे शहरात इलेक्ट्रॉनिक वाहनांची संख्या दिवसंदिवस वाढत चालली आहे. दुचाकी,तीन चाकी, तसेच चारचाकी वाहने असतील या वाहनांकरिता 7 ठिकाणी पीपीपी मॉडेलवर पब्लिक चार्जिंग स्टेशन सुरू करण्यात येणार असून लोकांना लवकरात लवकर याचा फायदा कसा मिळेल यासाठी प्रयत्न केलं जाणार आहे.

हेही वाचा:Ashirwad Yatra : शिवसंवाद यात्रेला उत्तर देण्यासाठी आशीर्वाद यात्रेची दिमाखात सुरुवात