पुणे : कोरेगाव-भीमा येथे विजयस्तंभावर 1 जानेवारीला शौर्यदिन साजरा करण्यात येतो. यावेळी देशभरातून अनेक भाविक विजयस्तंभावर अभिवादन करण्यासाठी मोठ्या संख्येने उपस्थित राहतात. यंदा भाविकांचा वाहतुकीचा प्रश्न मार्गी लावण्यासाठी पुणे महानगर परिवहन महामंडळाकडून 260 बस तैनात करण्यात आल्या आहेत. यासाठी आज (दि.28) पेरणे फाट्यापर्यंत नियोजित मार्गाची महानगरचे आधिकारी व पोलिसांकडून पाहणी करण्यात आली.
यंदा भाविकांचा वाहतुकीचा प्रश्न मार्गी लावण्यासाठी पुणे महानगर परिवहन महामंडळाकडून 260 बस तैनात करण्यात आल्या आहेत.
गेल्या दोन वर्षांपासून महानगर परिवहन महामंडळाकडून पेरणे फाटा तसेच वढूपर्यंत बस सेवा उपलब्ध होती. मात्र, मागील दोन वर्षांपासून या ठिकाणी येणाऱ्या भाविकांची वाढती संख्या लक्षात घेऊन यंदा परिवहन महामंडळाकडून बसची संख्या वाढवण्यात आली आहे.