पुणे - पिंपरी-चिंचवडमध्ये अडीच वर्षीय चिमुकलीचे अपहरण करून तिच्यावर लैंगिक अत्याचार केल्याची संतापजनक घटना सांगवी पोलीस ठाण्याच्या हद्दीत घडली. या चिमुकलीचे मध्यरात्री अपहरण करून घरामागे लैंगिक अत्याचार करण्यात आला. त्यानंतर तिचा गळा आवळून खून करण्यात आल्याचे शवविच्छेदन अहवालात स्पष्ट झाले आहे. याप्रकरणी ६ जणांना पोलिसांनी चौकशीसाठी ताब्यात घेतले आहे.
पिंपरी चिंचवडमध्ये अडीच वर्षीय चिमुकलीचा गळा आवळून खून
पीडित मृत अडीच वर्षीय चिमुकलीचे रात्री दीडच्या सुमारास अज्ञात नराधमाने राहत्या पत्र्याच्या शेडमधून अपहरण केले. रात्री उशिरा मृत मुलीच्या आईला जाग आल्याने ती बेपत्ता असल्याचे समजले. त्यानंतर आई-वडिलांनी काही तास तिचा शोध घेतला. मात्र, तिचा शोध लागत नसल्याने अखेर त्यांनी सांगवी पोलीस ठाणे गाठले.