पिंपरी-चिंचवडमध्ये कोरोनाबाधितांचा आकडा ५००वर; तर २४९ जणांना डिस्चार्ज

पिंपरी-चिंचवड शहरातील कोरोनाबाधित रुग्णांनी पाचशेचा आकडा ओलांडला आहे. त्यामुळे शहरातील नागरिकांमध्ये चिंतेचे वातावरण आहे. आज दिवसभरात १८ रुग्ण आढळले असून, यात तीन शहराबाहेरील रुग्णांचा समावेश आहे.

पुणे- पिंपरी-चिंचवड शहरात आज दिवसभरात १८ कोरोनाबाधित रुग्ण आढळले असून, यात ३ शहराबाहेरील कोरोनाबाधितांचा समावेश आहे. शहरातील कोरोनाबाधितांनी पाचशेचा आकडा ओलांडला असून, एकूण संख्या ५११ वर पोहचला आहे. तसेच ३८ जणांना आज डिस्चार्ज देण्यात आला आहे. आतापर्यंत २४९ जणांना घरी सोडण्यात आलेले आहे.

पिंपरी-चिंचवड शहरातील कोरोनाबाधित रुग्णांनी पाचशेचा आकडा ओलांडला आहे. त्यामुळे शहरातील नागरिकांमध्ये चिंतेचे वातावरण आहे. आज दिवसभरात १८ रुग्ण आढळले असून, यात तीन शहराबाहेरील रुग्णांचा समावेश आहे. आज आढळलेले रुग्ण हे बौद्धनगर, भोसरी, आनंदनगर, कासारवाडी, वाकड, रमाबाई नगर, नेहरुनगर, दापोडी, चिंचोली, परंदवाडी, पाईट या परिसरातील रहिवासी असून, त्यांच्यावर महानगर पालिकेच्या रुग्णालयात उपचार सुरू आहेत. तर संभाजीनगर, आळंदीरोड, आनंदनगर, बोध्दनगर, रुपीनगर व वाकड येथील रहिवासी असलेले कोविड-१९ बाधित रुग्णांना रुग्णालयातून घरी सोडण्यात आले.