पुणे - पिंपरी-चिंचवड शहरातील कोरोनाबाधितांच्या संख्येने शंभरी ओलांडली असून आज(मंगळवार) १० जणांचा अहवाल हा पॉझिटिव्ह आला आहे. यात रुपीनगरसह इतर परिसरातील व्यक्तींचा समावेश आहे. दरम्यान, शहरातील एकूण संख्या १०६ वर पोहोचली आहे. आतापर्यंत तब्बल २९ जण ठणठणीत बरे झाले असून त्यांना डिस्चार्ज देण्यात आला आहे. तर, दुसरीकडे आकडेवारी वाढल्याने चिंता व्यक्त केली जात आहे.
पिंपरी-चिंचवडमधे आज आणखी १० जण कोरोना पॉझिटिव्ह
पिंपरी-चिंचवड शहरात गेल्या तीन दिवसात कोरोनाबाधितांची संख्या झपाट्याने वाढत आहे. शहरातील कोरोनाबाधितांचा आकडा १०६ वर पोहोचला आहे. आतापर्यंत २९ जणांना डिस्चार्ज देण्यात आलेला आहे. तर, चार जणांचा मृत्यू झालेला आहे. सोमवारी दिवसभरात तब्बल ११ जण कोरोनाबाधित आढळले होते. यापैकी, काही रुपीनगर परिसरातील असून आज त्या ठिकाणच्या परिसरातील व्यक्ती आढळले असल्याने चिंता व्यक्त केली जात आहे.