पुणे - गेल्या कित्येक वर्षांपासून राज्यभरातील वरिष्ठ महाविद्यालयात सहाय्यक प्राध्यापकांची भरती बंद आहे. त्यामुळे नेट-सेट पीएचडी या उच्च पदव्या घेऊन बेरोजगारीत दिवस कंठीत असणाऱ्या तरुणांची सहनशीलता संपली आहे. दरम्यान, सहाय्यक प्राध्यापक भरतीसाठी राज्यभरात आंदोलन पुकारले असून गेल्या तीन दिवसांपासून पुणे उच्च शिक्षण कार्यालयासमोर नेट सेट पीएचडी धारक संघर्ष कृती समितीच्य वतीने हे आंदोलन सुरू आहे. आज शनिवार (दि. 29 ऑक्टोबर)रोजी या समितीच्यावतीने सेंट्रल बिल्डिंग ते सावित्रीबाई फुले विद्यापीठापर्यंत पदयात्रेचे आयोजन करण्यात आले. यावेळी यावेळी संघर्ष समितीच्या वतीने सेट भवनाला टाळे ठोकण्यात येणार आहे.
संघर्ष समितीच्या सदस्यांनी पुढील मागण्यांसाठी आंदोलन सुरू केले आहे
१) केंद्र शासन व विद्यापीठ अनुदान आयोगाच्या निर्देशानुसार १००% सहायक प्राध्यापक भरती झाली पाहिजे.
२) वेठबिगारीचा पुरस्कार करणारे तासिका तत्व धोरण बंद करून समान काम समान वेतन मिळाले पाहिजे.
३) सुरू असलेली प्राध्यापक भरती (२०८८) गतीमान करून पुढील १००% सहायक प्राध्यापक भरती सुरू करावी.
४) विनाअनुदानित महाविद्यालयांमध्ये कायमस्वरूपी पूर्णवेळ सहायक प्राध्यापकांची नेमणूक करावी.