पुणे -मुंबई-लातूर-बिदर एक्सप्रेसमध्ये एका तरुणाला मारहाण करण्यात आली. यामध्ये त्या तरुणाचा जागेवरच मृत्यू झाला. सागर जनार्धन मारकड (वय 26) असे या तरुणाचे नाव आहे. या प्रकरणी पोलिसांनी मारहाण करणाऱ्या आरोपींना ताब्यात घेतले.
मुंबई-लातूर-बिदर एक्सप्रेसमध्ये मारहाण
मृत सागर हा पत्नी, लहान मुलगी आणि आईसोबत पत्नीच्या चुलतीच्या अंत्यविधीसाठी सोलापूर येथे जाण्यासाठी निघाले होते. पुणे रेल्वे स्टेशनवरून मुंबई-लातूर-बिदर एक्सप्रेस गाडीत ते चढले. जनरल डब्यात बसण्यासाठी जागा नसल्याने सागर मारकड आणि त्याचे सर्व कुटूंब उभे होते. गाडी पुणे रेल्वे स्टेशनपासून सुटल्यानंतर सागर यांनी दरवाजा लगत असलेल्या सीटवरील एका महिलेला, पत्नी आणि लहान मुलीला बसण्यासाठी थोडी जागा देण्याची विनंती केली. तेव्हा त्या महिलेने आणि तिच्या पतीने सागर यांना शिवीगाळ केली.
सागर जनार्धन मारकड यांच्या मदतीला कोणीही आले नाही