पुणे - कोरोनाच्या पार्श्वभूमीवर मागील चार महिन्यांपासून देशातील सर्व मॉल बंद ठेवण्यात आले होते. मात्र, अर्थव्यवस्थेला चालना देण्यासाठी आणि नागरिकांना आवश्यक असणाऱ्या वस्तू मिळाव्यात, यासाठी बुधवारपासून पुण्यातील सर्व मॉल खुले करण्यात आले आहे.
#UNLOCK : पुणे शहरातील मॉल सुरू झाल्यामुळे आर्थिक स्थिती पूर्वपदावर येण्याची शक्यता
सरकारने मॉल सुरू करण्याचा जो निर्णय घेतला आहे त्या निर्णयाचे येथील सर्वांनी स्वागत केले आहे. खबरदारी म्हणून येणाऱ्या सर्व ग्राहकांसाठी सॅनिटायझर वापरण्यात येत आहे. तसेच ग्राहकांचे तापमानही तपासले जात आहेत. यासोबतच सर्व मॉलचालकांनी ग्राहकांना सोशल डिस्टन्सिंग आणि मास्क बंधनकारक केले आहे. मॉलमधील सर्व कर्मचाऱ्यांना सुरक्षेच्या दृष्टीने मास्क, फेस शिल्ड देण्यात आले आहे. तसेच वेळोवेळी प्रत्येक स्टँडला सॅनिटायझ करणे आणि वेळोवेळी स्वच्छ करणे, यावर भर देण्यात येत आहे.