अजित पवारांच्या आरोपांवर जयंत पाटील यांची प्रतिक्रिया

Jayant Patil Reaction : आगामी निवडणुकीत बारामती लोकसभा मतदार संघात उमेदवार रिंगणात उतरवण्याचा निर्धार अजित पवार यांनी व्यक्त केला. त्यानंतर सुप्रिया सुळे (Supriya Sule) यांच्या विरोधात कोण उमेदवार असेल, ही निवडणूक कशी होईल, याची राज्यभर चर्चा होऊ लागली. या बाबत प्रश्न विचारला असता राष्ट्रवादीचे प्रदेशाध्यक्ष जयंत पाटील यांनी प्रतिक्रिया दिली आहे.

पिंपरी चिंचवड Jayant Patil Reaction:राज्याचे उपमुख्यमंत्री अजित पवार यांनी कर्जत येथील मेळाव्यात बोलताना अनेक गौप्यस्फोट केला होता. त्यावर शरद पवारांनी देखील उत्तर दिलं आहे. यावर आता जयंत पाटील यांनी आपली प्रतिक्रिया दिली आहे. राष्ट्रवादी काँग्रेस शरद पवार गटाकडून अजित पवारांच्या बालेकिल्ल्यात जोरदार शक्ती प्रदर्शनही करण्यात आलं. यावेळी पिंपरी चिंचवडचे शहराध्यक्ष तुषार कामठे, जेष्ठ नेते आझम पानसरे, माजी नगरसेविका सुलक्षणा शीलवंत यांच्यासह मोठ्या संख्येने कार्यकर्ते उपस्थित होते.

अजित पवारांच्या बालेकिल्ल्यात घुसखोरी: पिंपरी चिंचवड शहर अजित पवारांचा बालेकिल्ला मानला जातो. या बालेकिल्ल्यात आता शरद पवार गट घुसखोरी करण्यासाठी सज्ज झाला आहे. आज पिंपरी येथे राष्ट्रवादी शरद पवार गटाचे कार्यालयाचे उदघाटन प्रदेशाध्यक्ष जयंत पाटील यांच्या हस्ते पार पडले. यावेळी जयंत पाटलांनी अजित पवार ( Ajit Pawar) यांनी केलेल्या आरोपांवर प्रतिक्रिया दिली.



काय म्हणाले जयंत पाटील: अनिल देशमुखांनी त्यावेळी काय घडलं हे स्वतः सांगितलं आहे. मुश्रीफ कसे येऊन बसले होते, सर्व इतिहास सर्वांच्या समोर आहे. सुज्ञास अधिक सांगायला लागू नये. तसेच अजित पवारांच्या आरोपावर शरद पवार यांनी उत्तर दिलं आहे. त्या दोघांमधील संवादामध्ये एकाने भाष्य केल्यानंतर दुसऱ्याने खुलासा केल्यावर तिसऱ्याने भाष्य करणं योग्य नाही. पवार यांनी अतंत्य समर्पक शब्दांत खुलासा केलेला आहे.

पिंपरी चिंचवडमध्ये शक्तिप्रदर्शन :पिंपरी चिंचवडमधील कार्यकर्त्यांचा मोठा उत्साह आहे. येथे सुरू असलेले काम पाहता राष्ट्रवादी काँग्रेसला पूर्वीची दिवस नक्की येतील. अनेक जण आमच्या संपर्कात आहेत.

शनिवारी काही पक्षप्रवेश?: अनेक जण आमच्या संपर्कात आहेत. शहराध्यक्ष तुषार कामठे त्यांच्याशी संपर्कात आहेत. लवकरच त्यांचे प्रवेश होतील.

राजेश टोपे यांच्या वाहनांची तोडफोड :माझा त्यांच्याशी संपर्क झाला नाही, माहिती घेऊन मी बोलतो.

अजित पवार शिबीर आरोप : अनिल देशमुखांनी त्यावेळी काय घडलं हे स्वतः सांगितलं आहे. मुश्रीफ कसे येऊन बसले होते, सर्व इतिहास सर्वांच्या समोर आहे. सुज्ञास अधिक सांगायला लागू नये.

मुलगी हाच वंशाचा दिवा : मी पूर्ण भाषण ऐकलेलं नाही. मात्र ही टीका आहे की, कौतुक आहे. तुम्ही ही टीका म्हणून का घेता? ज्यांनी वंश वाढवण्यासाठी मुलाची वाट पाहिली नाही. असे शरद पवार हे देशासमोर आदर्श आहेत, त्यामुळं अजित पवारांनी ती टीका नव्हे कौतुक केलेलं आहे. तुम्ही त्याकडे टीका म्हणून पाहू नये.

निवडणूक आयोग सुनावणी: आम्ही न्यायाच्या प्रतीक्षेत आहे. शरद पवार साहेबांसारख्या मोठ्या नेत्याच्या हातातून पक्ष काढून घेणं, हे देशाच्या लोकशाहीच्या दृष्टीने फार शहाणपणाचे ठरेल असे वाटत नाही.

निकाल लवकर लागेल का? : पक्षपात होण्याच्या आधी निर्णय घेण्यावर आरोप करणं योग्य नाही. आमदार एकीकडे गेले म्हणून पक्ष फरपटत जातो, हे योग्य नाही. असे सर्वोच्च न्यायालयाने सांगितलेलं आहे. त्यामुळं न्यायालय वेगळा काही निर्णय घेईल असं वाटत नाही.

16 अपात्र आमदार: 31 डिसेंम्बरची शेवटची मुदत दिलेली आहे. पहिल्या आठवड्यात सर्वोच्च न्यायालयाने काय केलं याचा आढावा होईल. त्यामुळं निर्णय होईल असं वाटत आहे.

शरद पवार आणि अजित पवार संवाद?: यावर शरद पवार यांनी उत्तर दिलेलं आहे. त्या दोघांमधील संवादामध्ये एकाने भाष्य केल्यानंतर दुसऱ्याने खुलासा केल्यावर तिसऱ्याने भाष्य करणं योग्य नाही. पवार साहेबांनी अतंत्य समर्पक शब्दांत खुलासा केलेला आहे.

हेही वाचा -