पुणे - कोरोना विषाणूंची लागण झालेल्या नागरिकांची संख्या दिवसेंदिवस वाढत असल्याचे चित्र आहे. या विषाणूमुळे चिकन व्यवसाय, पर्यटन, आयटीसारख्या अनेक क्षेत्रांवरही मोठा परिणाम बघायला मिळत आहे.
रोग प्रतिकारशक्ती कमी असलेल्या कर्मचाऱ्यांना कंपनीत न येण्याचे आदेश द्यावेत, आयटी कर्मचाऱ्यांची मागणी
कोरोनाचे रुग्ण पुण्यात आढळून आल्याने नागरिकांमध्ये भीतीचे वातावरण आहे. पिंपरी-चिंचवडमधील राजीव गांधी इन्फोटेक पार्कमधील बहुतांश कंपन्यांनी आपल्या कर्मचाऱ्यांना 'वर्क फ्रॉम होम' म्हणजे घरात बसून काम करण्याचा पर्याय दिला आहे. मात्र, ज्यांची रोग प्रतिकारशक्ती कमी असेल त्यांना कंपनीत न येण्याचे आदेश द्यावेत, अशी मागणी आयटी कंपनीतील कर्मचाऱ्यांनी केली आहे. अवघ्या जगभरात पसरलेल्या कोरोना विषाणूंमुळे नागरिक हतबल झाले आहेत. देशात याचा प्रादुर्भाव होत असून महाराष्ट्रात ५ रुग्ण बाधित आढळले आहेत. त्या पार्श्वभूमीवर अनेक ठिकाणी काळजी घेतली जात आहे.