पिंपरी-चिंचवड (पुणे) - माझा इतिहास आहे की, कोणत्याही दबावात येत नाही. माझे काम निःपक्षपाती आहे. त्यामुळे जे योग्य असतील तेच निर्णय घेण्यात येतील. तसेच शहरातील गुन्हेगारीचा बिमोड कोणाच्याही दबावात न येता करणार असल्याचा विश्वास, पिंपरी चिंचवडचे नवनियुक्त आयुक्त कृष्ण प्रकाश यांनी व्यक्त केला.
बोलताना आयुक्त कृष्ण प्रकाश
ते आयुक्तालयात आयोजत पत्रकार परिषदेत बोलत होते. पोलीस आयुक्तालयाचे मावळते पोलीस आयुक्त संदीप बिष्णोई यांची मुदतपूर्व बदली झाल्यानंतर आज (शनिवार) नवनियुक्त कृष्ण प्रकाश यांनी पोलीस आयुक्तालयाचा पदभार स्वीकारला आहे. 2 ऑगस्टला गृह विभागाने बदल्यांचे आदेश काढले होते. गेल्या काही दिवसांपासून बिष्णोई यांची बदली होणार अशी चर्चा होती अखेर त्या चर्चेला पूर्णविराम मिळाला आहे. दरम्यान, आज (दि. 5 सप्टें) त्यांनी आयोजित केलेल्या पत्रकार परिषदेत परखड मत व्यक्त केले.