पुणे -प्रजासत्ताक दिनानिमित्त ग्राहक पेठेच्या वतीने मसूरडाळ, तांदूळ आणि हिरवे मूग वापरून ६ बाय १० फूट आकारातील भारताचा नकाशा साकारण्यात आला आहे. भारताच्या राष्ट्रध्वजावर असलेला तिरंगा नकाशामध्ये रेखाटण्यात आला आहे. सुमारे दोन तासात ही कलाकृती साकारण्यात आली आहे.
माहिती देताना ग्राहक पेठचे कार्यकारी संचालक सूर्यकांत पाठक हेही वाचा -जास्त खोलात जाऊ देऊ नका, उपमुख्यमंत्र्यांचा विरोधकांना इशारा
प्रजासत्ताक दिनानिमित्त टिळक रस्त्यावरील ग्राहक पेठेच्या प्रवेशद्वारामध्ये भारताचा तिरंगी नकाशा साकारण्यात आला. यावेळी ग्राहक पेठचे कार्यकारी संचालक सूर्यकांत पाठक, उदय जोशी, भीमाशंकर मेरू, विनायक पवार, उपेंद्र चिंचळकर उपस्थित होते. सदाशिव पेठेतील कलातीर्थ संस्थेचे अमोल काळे व सहकाऱ्यांनी ही कलाकृती साकारली आहे. याकरीता ५ किलो तांदूळ, ५ किलो मसूरडाळ, ५ किलो हिरवेमूग वापरण्यात आले आहे.
सलग 2 दिवस कलाकृती पाहता येईल
वर्षभर विविध प्रकारचे तांदूळ, डाळी ग्राहकांना उपलब्ध करून दिले जातात. जानेवारी महिन्यामध्ये दरवर्षी तांदूळ महोत्सवाचे आयोजन केले जाते. त्यामुळे, यंदा आम्ही तांदूळ, डाळींच्या माध्यमातून भारताचा नकाशा साकारला. कोरोनाच्या पार्श्वभूमीवर शेतकऱ्यांना सुख, समृद्धी मिळो, याकरीता उपक्रम राबविण्यात आला. सलग दोन दिवस ही कलाकृती पुणेकरांना पाहण्यासाठी खुली राहणार आहे, अशी माहिती सूर्यकांत पाठक यांनी दिली.
तसेच, ग्राहकांनी महोत्सवाला भेट द्यावी. इतरत्र तांदुळाच्या भावामध्ये वाढ झाली असली, तरी देखील आपल्या येथील तांदुळाचे भाव स्थिर आहेत. तांदूळ महोत्सवात ग्राहकाने एका वेळेस १०० किलोपेक्षा अधिक तांदूळ खरेदी केल्यास शहरात विनामूल्य घरपोच सेवा दिली जाणार आहे. महोत्सवात उत्तमप्रतीचा तांदूळ थेट महाराष्ट्राबाहेरील राज्यांसह नाशिक, मावळ, भोरहून पुणेकरांसाठी उपलब्ध करून दिला जात आहे. या शिवाय सेंद्रिय पद्धतीने पिकविलेला तांदूळ देखील महोत्सवात अत्यल्प दरात उपलब्ध आहे. ग्राहकांनी महोत्सवाला भेट द्यावी, असे आवाहन पाठक यांनी केले.
हेही वाचा -बारामतीतील खासगी व शासकीय कार्यालये, दवाखान्यांची फायर फायटिंग यंत्रणा रामभरोसे
