पुणे- कोरोनाचा समूह संसर्ग वाढू नये यासाठी लॉकडाऊन वाढविण्यात आले आहे. त्यात अंमली पदार्थ विक्रीवर बंदी असल्याने गावागावात गावठी दारू भट्ट्या वाढल्या आहेत. या अवैध दारुभट्ट्या उद्ध्वस्त करण्याची मोहिम पोलिसांनी हाती घेतली असून आज घोडेगाव पोलिसांनी म्हाळुंगेतर्फे घोडा गावच्या हद्दीत घोडनदीच्या कडेला असणारी दारुभट्टी उद्ध्वस्त केली आहे. कोरोनाचा संसर्ग दिवसेंदिवस वाढतच असताना नागरिकांनी घरात बसण्याचे आवाहन केले जात आहे. अशातच दारू विक्री बंद केल्यानंतर अनेक ठिकाणी दारुभट्ट्या सुरू असल्याच्या तक्रारी वाढत आहेत.
घोडेगाव हद्दीत पोलिसांच्या कारवाईत दारुभट्टी उद्ध्वस्त