पुणे - मावळ हा गुलाब उत्पादनासाठी विशेष ओळखला जातो. दरवर्षी व्हॅलेंटाईन डेच्या निमित्ताने परदेशात साडेसहा लाख गुलाब पाठवला जातो. परंतु, यावर्षी कोरोना संकटामुळे परदेशातील विमानसेवांवर निर्बंध लावण्यात आले होते. याचा थेट फटका गुलाब उत्पादक शेतकऱ्यांना बसला असून गुलाबाच्या मागणीमध्ये 30-40 टक्के घट झाल्याचे समोर आले आहे. दरवर्षी गुलाब उत्पादनातून कोट्यवधींचे उत्पन्न शेतकऱ्यांना मिळायचे. यावर्षी कोरोना महामारी, निसर्ग चक्रीवादळ, पाऊस यामुळे शेतकऱ्यांच्या पदरी निराश केवळ पडली आहे.
परदेशातील निर्यातीच प्रमाण 40 टक्के घटले! मावळमध्ये मोठ्या प्रमाणात गुलाबशेती पुणे जिल्ह्यातील मावळमध्ये मोठ्या प्रमाणात गुलाबासह इतर फुलांचे उत्पन्न येथील शेतकरी घेतात. व्हॅलेंटाईन डेच्या निमित्ताने परदेशात साडेसहा लाख गुलाब निर्यात करत 77 लाखांची उलाढाल केली होती. परंतु, यावर्षी कोरोना महामारी, निसर्गाची अवकृपा आणि अवेळी झालेला पाऊस यामुळे गुलाब उत्पादक मेटाकुटीला आला आहे.
परदेशातील निर्यातीच प्रमाण 40 टक्के घटले! मावळ गुलाब उत्पन्नाचे माहेर घर दरवर्षीच्या तुलनेत यंदा गुलाबाला कमी दर यावर्षी केवळ साडेतीन लाख गुलाब निर्यात करण्यात आले असून एका गुलाबाला दरवर्षी पेक्षा तीन रुपये भाव कमी मिळाला आहे. गेल्यावर्षी एका गुलाबाला 14-15 रुपये मिळाले होते. त्याच तुलनेत यावर्षी केवळ 11-12 रुपये मिळाले असल्याचे गुलाब उत्पादक शेतकरी तानाजी शेंडगे यांनी सांगितले आहे. दरम्यान, गुलाब शेतीमुळे स्थानिक कामगारांच्या हाताला काम मिळाले असून प्रत्येक वर्षी शंभर ते दिडशे रुपये जास्त मिळत असल्याने त्यांच्या चेहऱ्यावर स्मित हास्य उमटले आहे.
