पुणे- पुण्याच्या बुधवार पेठेत 70 ते 80 वर्षे जुन्या वाड्याचा काही भाग आज सकाळी कोसळला. दगड मातीच्या ढिगाऱ्याखाली अडकलेल्या एका वृद्ध महिलेला अग्निशमन दलाच्या जवानांनी सुखरूप बाहेर काढले.
घटनास्थळ
अग्निशमन दलाच्या जवानांनी दिलेल्या माहितीनुसार, दगडूशेठ गणपती मंदिराजवळ साधारण 70 ते 80 वर्षे जुना 'सिंगलिया वाडा' आहे. आज सकाळी सात वाजण्याच्या सुमाराला या वाड्याचा काही भाग कोसळला असून आतमध्ये काही नागरिक अडकले असल्याचा फोन अग्निशमन दलाकडे आला होता. त्यानंतर अग्निशमन दलाच्या जवानांनी तातडीने घटनास्थळी धाव घेत बचावकार्याला सुरुवात केली. या वाड्याचा बहुतांश भाग कोसळला होता. लाकूड, विटा, दगड यामुळे आत अडकलेक्यांचा शोध घेणे कठीण होत होते.