पुणे - खेड, आंबेगाव, जुन्नर, शिरूर तालुक्यात ऐन हिवाळ्यात आज (मंगळवारी) पावसाची जोरदार बँटिंग झाली. सकाळी थंडी, दिवसभर ऊन आणि त्यात आता सुरु झालेला पाऊस, असे समीकरण सध्या सुरू झाले आहे. यामुळे हिवाळा, उन्हाळा, पावसाळा असे तिन्ही ऋतू एकत्र आल्याचे चित्र निर्माण झाले आहे.
ऐन हिवाळ्यातही पावसाची बॅटिंग
वातावरणातील बदलामुळे आज (मंगळवारी) दुपारपासून पावसाच्या सरी अचानक सुरू झाल्या. यामुळे नागरिकांची आणि शेतकऱ्यांची धावपळ सुरू झाली. तर या पावसामुळे शेतीचे मोठे नुकसान होणार, असे चित्र आहे. तसेच थंडी, ऊन आणि पाऊस असे समीकरण तयार झाल्याने वातावरणात रोगराई पसरण्याची भीती निर्माण होत आहे.