पुणे- माहिनाभरापूर्वी शिरुर तालुक्यात सर्वाधिक दुष्काळाच्या झळा नागरिकांसह जनावरांना सहन कराव्या लागल्या होत्या. शिरुर तालुक्यातुन जाणाऱ्या घोड आणि भीमा या नद्या तर कोरड्या पडल्या होत्या. मात्र गेल्या काही दिवसात सह्याद्रीच्या रांगेमध्ये पावसाने दमदार हजेरी लावली. त्या कारणाने घोड व भीमा या दोन्ही नद्या दुथडी भरुन वाहू लागल्या आहेत. यामुळे नद्याकाठच्या नागरिकांना दिलासा मिळाला आहे.
सह्याद्रीच्या रांगेमध्ये पावसाची दमदार बँटिंग; घोड आणि भीमा नद्या दुथडी भरुन वाहू लागल्या पावसाळ्याच्या सुरुवातीला शिरुर तालुक्यात पावसाने दडी मारली होती. यामुळे नागरिकांचे डोळे पाण्यासाठी आभाळाकडे लागले होते. तर खरीप हंगामाची पेरणी झाल्याने पिके संकटात आली होती. यासाठी चासकमान धरणाच्या डाव्या कालव्यातुन पाण्याचा विसर्ग शिरुर तालुक्यासाठी करण्यात आला होता. मात्र त्यानंतर पावसाने जिल्ह्यात दमदार हजेरी लावली.
उत्तर पुणे जिल्ह्यात पावसाने जोरदार बँटींग सुरु केली आहे. त्यामुळे खरीपाच्या पिकांची वाढ जोमात होत आहे. तसेच घोड नदी, भीमा नदी या दोन्ही नद्या भरुन वाहत आहेत. यामुळे बळीराजा सुखावला आहे.
