पुणे- शहरातील कृषी उत्पन्न बाजार समितीत आज भाजी खरेदीसाठी ग्राकांनी आणि विक्रीसाठी शेतकरी आणि व्यापाऱ्यांनी मोठी गर्दी केली होती. सुरुवातील सर्व व्यवहार सुरळीत सुरू होता, मात्र काही वेळात लोकांची गर्दी हाताबाहेर गेल्याने पोलिसांना बोलवावे लागले.
माहिती देताना कृषी उत्पन्न बाजार समितीचे प्रशासक बी.जी. देशमुख कृषी उतपन्न बाजार समितीमध्ये काल ८६७ वाहनांमधून भाजीपाला आला होता. तर, आज २ हजार ५० वाहनांमधून भाजीपाल्यांची आवक झाली आहे. आज भाजी विक्रीसाठी शेतकरी आणि व्यापारी तसेच भाजी खरेदीसाठी ग्राहकांची चांगलीच गर्दी झाली. त्यामुळे, बजार समितीतर्फे पोलिसांना पाचारण करण्यात आले होते. पोलीस आल्यानंतर गर्दी पांगली. खबरदारी म्हणून बाजार समिती समोर पोलिसांचा बंदोबस्त करण्यात आला आहे.
हेही वाचा-शहरी भागातही नागरिकांकडून जमावबंदी पायदळी
