बारामती- तालुक्यातील मोढवे गावात लग्नसमारंभासाठी डी.जे. लावल्याप्रकरणी वडगाव निंबाळकर पोलिसांनी नवरदेवासह डी.जे. चालकावर गुन्हा दाखल केला आहे. नवरदेव सागर गायकवाड (रा.राजपुरेवस्ती, मोढवे.ता.बारामती, सध्या रा.सर्वे नंबर १६५, पंकज पार्क माळवाडी.पुणे) व रणजित देवकुळे (रा.धनकवडी, पुणे) अशी गुन्हा दाखल झालेल्या दोघांची नावे आहेत. याप्रकरणी वडगाव निंबाळकर पोलीस ठाण्याचे पोलीस कर्मचारी ज्ञानेश्वर सानप यांनी फिर्याद दिली.
हेही वाचा - चित्रपट महामंडळाच्या अध्यक्षपदावरून मेघराज राजेभोसले यांची हकालपट्टी; अविश्वास ठराव मंजूर
सागर गायकवाड यांनी स्वतःच्या विवाह कार्यानिमित्त रणजित देवकुळे यांच्या मालकीचा डी.जे. लावण्यात आला होता. या डी.जे. वरून मोठ्या आवाजात गाणी वाजवली होती. तसेच या लग्नकार्यासाठी ५० ते ६० पेक्षा अधिक लोक एकत्रित येऊन कोणतेही सामाजिक अंतर न राखताकार्यक्रम साजरा करीत होते. त्यामुळे कोरोना रोगाचा संसर्ग पसरण्याचा संभव असताना निष्कळजीपणा दाखवला, असे पोलिसांनी म्हटले आहे.