पुणे -किर्तनकार इंदुरीकर महाराज ( Kirtankar Indorikar Maharaj ) यांनी नुकतेच लातूर येथे एक विधान केलं असल्याने ते पुन्हा एकदा चर्चेत आले आहे. ( Indorikar Maharaj Latur Statement ) त्यांच्या या विधानावर भूमाता ब्रिग्रेडच्या अध्यक्षा तृप्ती देसाई यांनी आक्षेप घेत त्यांच्यावर टीका केली. ( Trupti Desai on Indorikar Maharaj's Latur Statement )
सर्वसामान्यांना वेगळा न्याय का?
इंदुरीकर दरवेळेस कीर्तनातून काहीतरी बरगळत असतात. मागच्या वेळी त्यांनी लस घेणार नाही, असे सांगितले तेव्हा त्यांच्यावर कारवाई करण्यात आली नाही. याआधी अनेकदा महिलांबद्दल बोलले तेव्हाही काहीही झाले नाही. आत्ता परत त्यांनी तिसऱ्या लाटेबाबत विधान केले आहे. ते म्हणाले की, मी माळकरी आहे म्हणून कोरोना होणार नाही. किर्तनातून चुकीचं संदेश इंदुरीकर हे देत आहेत. असे असताना आरोग्यमंत्री राजेश टोपे हे नेहेमी त्यांची पाठराखण करत आहेत. इंदुरीकर यांना वेगळा न्याय आणि सर्वसामान्य नागरिकांना वेगळा न्याय असे काही आहे का? हे आरोग्यमंत्री यांनी सांगावे, असे तृप्ती देसाई म्हणाल्या. महाविकास आघाडी सरकारमध्ये हिम्मत असेल तर ज्याप्रमाणे कोरोनाची इंदुरीकर महाराज चेष्टा करत आहे. त्यांच्यावर गुन्हा दाखल करून राज्यात समान न्याय आहे हे दाखवावं, असे आव्हान त्यांनी दिले आहे.