राज्यात दुसऱ्या क्रमांकाचे मताधिक्य मिळवणारे विश्वजित कदम यांच्याशी खास बातचीत

काँग्रेसचे उमेदवार विश्वजीत कदम यांनी पलूस-कडेगाव विधानसभा मतदारसंघातून १ लाख ६२ हजार ५२१ मताधिक्य मिळवून विजय मिळविला. विशेष म्हणजे या मतदारसंघात दुसऱ्या क्रमांकाची मते कुणालाही पडलेली नाहीत. तर नोटाला मतदारांनी दुसऱ्या क्रमांकाची मते दिली आहेत. शिवसेनेचे उमेदवार संजय विभुते हे ८ हजार ९७६ मते घेऊन तिसऱ्या क्रमांकावर आहेत.

पुणे - नुकत्याच पार पडलेल्या विधानसभा निवडणुकीमध्ये सांगली जिल्ह्यातील कडेगाव-पलूस या विधानसभा मतदारसंघातून काँग्रेसचे विश्वजीत कदम यांचा दणदणीत विजय झाला. महाराष्ट्रात सर्वाधिक दुसऱ्या क्रमांकाचे मताधिक्य मिळवण्यात विश्वजीत कदम यांना यश आले. एकंदरीतच त्यांच्या या यशाबद्दल आणि आगामी वाटचालीबद्दल त्यांच्याशी बातचीत केली आमचे पुण्याचे प्रतिनिधी राहुल वाघ यांनी...

काँग्रेसचे उमेदवार विश्वजीत कदम यांनी पलूस-कडेगाव विधानसभा मतदारसंघातून १ लाख ६२ हजार ५२१ मताधिक्य मिळवून विजय मिळविला आहे. विशेष म्हणजे या मतदारसंघात दुसऱ्या क्रमांकाची मते कुणालाही पडलेली नाहीत. तर नोटाला मतदारांनी दुसऱ्या क्रमांकाची मते दिली आहेत. शिवसेनेचे उमेदवार संजय विभुते हे ८ हजार ९७६ मते घेऊन तिसऱ्या क्रमांकावर आहेत.

सांगली पलूस परिसरातील काम आणि पूर परिस्थितीमध्ये जनतेची केलेली सेवा यामुळे मला मतदारांनी भरभरून मताधिक्य दिले असल्याचे कदम म्हणाले. विश्वजीत कदम यांच्यानंतर राष्ट्रवादीचे नेते अजित पवार यांनी बारामती विधानसभा मतदारसंघातून सर्वाधिक मते घेतली आहेत. अजित पवार यांना १ लाख ६३ हजार १७६ मते मिळाली. त्यांनी तब्बल दीड लाखांचे मताधिक्य घेऊन भाजपचे उमदेवार गोपीचंद पडळकर यांचा पराभव केला आहे.

हेही वाचा -देवेंद्र फडणवीसच आमचे मुख्यमंत्री - चंद्रकांत पाटील

हेही वाचा -जनतेच्या हितासाठी सक्षम विरोधी पक्षाची भूमिका बजावणार - रोहित पवार