मुंबई :राज्यातील लाखो कोटी रूपयांचे प्रकल्प राज्याबाहेर जात असल्याच्या पार्श्वभूमीवर राज्य सरकारने ( Big Projects Going Out Of Maharashtra ) आता राज्यात नविन प्रकल्प येत असल्याची ग्वाही दिली आहे. उपमुख्यमंत्र्यांनी याबाबत घोषणा करताना राज्यात ईलेक्ट्रॉनिक मॅन्युफॅक्चरिग क्लस्टर येणार ( electronic manufacturing cluster Project Pune) असल्याची घोषणा केली. याचे स्वागत करीत उद्योगमंत्री उदय सामंत यांनी याबाबत अधिक माहिती दिली ( Industries Minister Uday Samant ) आहे.
पुण्यात होणार ईलेक्ट्रॉनिक मॅन्युफॅक्चरिग क्लस्टर :राष्ट्रीय इलेक्ट्रॉनिक्स धोरणातंर्गत रांजणगाव पुणे येथे २९७.११ एकरमध्ये इलेक्ट्रॉनिक मॅन्युफॅक्चरिंग क्लस्टरसाठी केंद्र सरकारने आज मान्यता दिली आहे. या माध्यमातून ५००० तरुणांना रोजगार उपलब्ध होणार आहेत. तसेच पुण्यामध्ये सीडीएसी हाही प्रकल्प ( CDAC project Pune ) लवकरच येणार असून या दोन्ही प्रकल्पांच्या माध्यमातून सुमारे २००० कोटींची गुंतवणूक करण्यात येणार आहे. युती सरकारने हे प्रकल्प राज्यात येण्यासाठी सातत्यपूर्ण पाठपुरावा केलेला आहे. यास्तव समितीची १९ जुलै २०२२ रोजी बैठक घेण्यात आली होती. अशी माहिती उद्योगमंत्री उदय सामंत यांनी दिली.