पुणे - कोरोनाकाळापासून एका जिल्ह्यातून दुसऱ्या जिल्ह्यात जाण्यासाठी ई-पासची गरज भासते. सध्या अनलॉकची प्रक्रिया सुरू आहे. मात्र, तरीही ई-पासशिवाय एका जिल्ह्यातून दुसऱ्या जिल्ह्यात जाण्यास मनाई आहे. याबाबत उपमुख्यमंत्री अजित पवार यांना विचारले असता ते म्हणाले, ई-पासबाबत मुख्यमंत्री, गृहमंत्री यांसोबत चर्चा करून लवकरच निर्णय घेतला जाईल.
बोलताना उपमुख्यमंत्री अजित पवार
शिवाजीनगर येथील शासकीय अभियांत्रिकी महाविद्यालय परिसरात (सीओइपी) उभारण्यात आलेल्या कोविड रुग्णालयाचे उद्घाटन राज्याचे मुख्यमंत्री उद्धव ठाकरे आणि उपमुख्यमंत्री अजित पवार यांच्या हस्ते करण्यात आले. त्यावेळी ते बोलत होते.