पुणे -येथील भोसरी भुखंड घोटाळा प्रकरणात तत्कालीन महसूल मंत्री आणि सध्या राष्ट्रवादी काँग्रेसचे नेते एकनाथ खडसे अडचणीत येण्याची शक्यता निर्माण झाली आहे. या प्रकरणात तत्कालीन मुखमंत्री देवेंद्र फडणवीस यांनी चौकशी करण्यासाठी गठीत केलेल्या निवृत्त न्यायाधीश झोटींग समितीचा अहवाल संदर्भ म्हणून वापरला जावा, अशी मागणी तक्रारदारातर्फे करण्यात आली आहे.
याबाबत बोलताना असिम सरोदे.
भोसरी भूखंड घोटाळा प्रकरणात तक्रारदार असलेल्या सामाजिक कार्यकर्त्या अंजली दमानिया यांचे वकील असीम सरोदे यांनी न्यायालयात ही मागणी केली. निवृत्त न्यायाधीश झोटींग कमिटीचा अहवाल संदर्भ म्हणून या प्रकरणात वापरता येईल, झोटींग कमिटी समोर कुणी-कुणी काय काय साक्ष दिल्या आहेत? हे यातून समोर येईल, असे मत मांडत असीम सरोदे यांनी
विशेष न्यायालयात मांडले.