बारामती ( पुणे ) - बारामतीकरांचे श्रद्धा असणारे शहरातील प्राचीन दत्त मंदिर काल रात्री (ता. २६ बुधवार ) अचानक जमीनदोस्त करण्यात आले आहे. यामुळे भाविकांमधून संताप व्यक्त केला जात आहे.
नीरा डावा कालव्यालगत दत्त मंदिर आहे. याचे बांधकाम खूप जूने आहे. शहरातील विविध धर्मिय स्थळांपैकी हे एक मंदिर आहे. मात्र, काल रात्री अचानक हे मंदिर जमीनदोस्त करण्यात आले आहे.
मनसे प्रदेश उपाध्यक्ष अ‌ॅड सुधीर पाटसकर प्रतिक्रिया देताना...
गुरूवार हा श्री दत्त गुरूंचा वार आहे. दर गुरूवारी येथे दर्शनासाठी मोठी गर्दी होते. आज देखील अनेक भाविक दर्शनाला आले होते. मात्र ,रात्रीत जमीनदोस्त झालेले मंदिर पाहून सर्वांना आश्चर्याचा धक्का बसला. यामुळे भाविकांमधून संताप व्यक्त होत आहे.