पुणे -देशात काँग्रेस पक्ष मजबूत व्हायला हवा, असे विधान केंद्रीय मंत्री नितीन गडकरी यांनी केले आहे. ( Congress Party Should be Strong ) ते पुण्यात बोलत होते. ( Nitin Gadkari on Congress in Pune ) देशामध्ये काँग्रेस कमी होत असल्याने प्रादेशिक पक्षांची ताकद वाढत आहे, ही बाब गंभीर असल्याचेही गडकरी म्हणाले.
विरोधी पक्ष लोकशाही मजबूत करतो -देशांमध्ये लोकशाही टिकवण्यासाठी सत्ताधारी आणि विरोधक हे असणे आवश्यक आहे. त्यामुळे काँग्रेस पक्ष देशामध्ये असणे आवश्यक आहे. मात्र, आम आदमी पार्टी तसेच प्रादेशिक पक्ष हे काँग्रेसची जागा घेत असल्याचे नितीन गडकरी यांनी नाव न घेता प्रादेशिक पक्षांवर टीकादेखील केली आहे. एका खासगी वृत्तपत्राच्या पुरस्कार कार्यक्रमांच्या मुलाखतीत नितीन गडकरी यांनी हे वक्तव्य केले.