दादा तुम्ही मला शहाणपणा शिकवताय - चंद्रकांत पाटील यांचं अजित पवारांना प्रत्तूत्तर

जे कोणी मराठा अरक्षणासाठी आंदोलन करणार आहे. मग ते शरद पवार असले तरी आम्ही त्यांच्या पाठीशी उभे राहणार आहोत. संभाजीराजे तर आमचे नेते आहे. त्यांना जर सहकार्य हवे असेल तर आम्ही नक्कीच सहभागी होणार असल्याची प्रतिक्रिया भाजपा प्रदेशाध्यक्ष चंद्रकांत यांनी दिली.

पुणे- "अरे वा... जूनं झालं तरी ते खोटं आहे! अजित पवार यांनी माझी चेष्ठा करण्याचा प्रयत्न केला. म्हणून मी त्यांना प्रश्न विचारला की 54 जणांची यादी पवार साहेबांच्या ड्राव्हरमधून चोरून भाजपाकडे देणे हे महाराष्ट्राच्या नैतिकतेत बसत का? आणि तुम्ही मला शहाणपणा शिकवताय. मी झोपत सरकार पडेल असे म्हटले होते. त्यावर प्रतिक्रिया दिली म्हणून वाराला प्रतिवार करणे ही महाराष्ट्राची संस्कृती आहे. म्हणून मी ते करेल" अशी टिका चंद्रकांत पाटील यांनी उपमुख्यमंत्री अजित पवार यांच्यावर केली आहे. नगरसेविका वासंती जाधव यांच्यावतीने रिक्षाचालकांना आणि सलून व्यवसायिकांना अन्न धान्य किटचे वाटप भाजपा प्रदेशाध्यक्ष चंद्रकांत पाटील यांच्या हस्ते करण्यात आले. यावेळी ते बोलत होते.

'रिव्ह्यू पिटीशन दाखल करण्यात उशीर का?' -

मराठा समाजाच्या प्रत्येक व्यक्तीची भावना आहे की, महाविकास आघाडी सरकारने सुप्रीम कोर्टात केस नीट चालवली नाही. सुप्रीम कोर्टाच्या 600 पानात याचा ठाहीठाही उल्लेख आहे. तरी अजित पवार यांना वाटत असेल की त्यांनी खूप मेहनत घेतली आहे तर अडचण नाही. मराठा आरक्षणाला स्थगिती मिळाल्यापासून मी म्हणतोय, तुम्ही रिव्ह्यू पिटीशन दाखल केली पाहिजे. हे कश्यासाठी उशीर करत आहे. जरी 102 व्या घटना दुरुस्थित राज्याचे अधिकार गेले तरीही केंद्राने सुरुवात होत नाही तर ते राज्याने सुरुवात होते. त्यामुळे मागासवर्गीय आयोगाची स्थापना करून तो अहवाल राष्ट्रपतीकडे पाठवल्याशिवाय आरक्षण मिळणार नाही, असे यावेळी पाटील म्हणाले.

सहकार्य हवं असेल तर नक्कीच सहभागी होणार...

आज रायगडावर संभाजीराजे यांनी जी मराठा आरक्षणाबाबत आंदोलनाची घोषणा केली त्याचे मी स्वागत करतो. आम्ही वारंवार म्हटले आहे की भाजप आंदोलनात आपला झेंडा हाती घेऊन उतरणार नाहीय. परंतु जे कोणी मराठा अरक्षणासाठी आंदोलन करणार आहे. मग ते शरद पवार असले तरी आम्ही त्यांच्या पाठीशी उभे राहणार आहोत. संभाजीराजे तर आमचे नेते आहे. त्यांना जर सहकार्य हवे असेल तर आम्ही नक्कीच सहभागी होणार.

4 हजार रिक्षाचालकांना 1 हजार रुपयांचे सीएनजीचे किट देणार

लॉकडाऊन करताना मुख्यमंत्री उद्धव ठाकरे यांनी सर्वपक्षीय नेत्यांची बैठक घेतली होती. त्यात मी हे म्हटले की कोरोनासाठी लॉकडाऊन करताय तर त्यात भुखेचाही विचार करावा.आणि त्यानंतर अजित पवार उदार झाले आणि त्यांनी समाजातील 20 घटकातील 4 जणांना 1500 रुपयाची मदत केली. मात्र ती अजूनही मिळाली नाही. लॉकडाऊन संपल तर अजून कोणालाही मदत केलेली नाही. म्हणून भारतीय जनता पक्षाच्यावतीने समाजातील विविध घटकांना मदत करण्याचे काम केले जात आहे. माझ्या वाढदिवसानिमित्ताने 4000 रिक्षाचालकांना 1 हजार रुपयांचे सीएनजी चे किट देण्यात येणार आहे. त्याचप्रमाणे 1200 जणांना खासगी रुग्णालयात कोरोना लस देखील देण्यात येणार असल्याचे पाटील म्हणाले.