पुणे - सोलापूर राष्ट्रीय महामार्गावर रावणगाव खडकीच्या हद्दीत धावत्या चारचाकीने अचानक पेट घेतला. यामध्ये जीवितहानी टळली असली, तरीही आगीमुळे कार जळून खाक झाली आहे. सोलापूर मार्गावर रविवारी (दि. 29 नोव्हेंबरला) सायंकाळी साडेपाचच्या सुमारास संबंधित घटना घडली.
महामार्गावर धावत्या कार ने घेतला अचानक पेट
पुण्याकडून सोलापूरच्या दिशेने जाणाऱ्या धावत्या चारचाकीने अचानक पेट घेतला. हे लक्षात येताच दोन प्रवाशांनी बाहेर उड्या मारल्या. यामुळे मोठा अनर्थ टळला. मात्र कारने चारही बाजूने पेट घेतल्याने महामार्गावर आगीचा डोंब हवेत पसरत होता. या आगीमुळे महामार्गावरील वाहतूक काही काही वेळ थांबवण्यात आली होती.