BJP State Meeting : जेपी नड्डा यांच्या प्रमुख उपस्थितीत भाजप प्रदेश कार्यकारणी बैठक - जगदिश मुळीक

भाजपाचे राष्ट्रीय अध्यक्ष जे. पी. नड्डा उपस्थित पुण्यामध्ये भाजप प्रदेश कार्यकारिणीची 18 तारखेला बैठक होत आहे. या बैठकीला भाजपाचे राज्यभरातील बाराशे पदाधिकारी उपस्थित राहणार आहेत अशी माहिती पुणे शहराध्यक्ष जगदीश मुळीक यांनी दिली आहे.

पुणे :भाजप प्रदेश कार्यकारिणीची 18 तारखेला पुण्यामध्ये बैठक होत असून या बैठकीला भाजपाचे राष्ट्रीय अध्यक्ष जे. पी. नड्डा उपस्थित राहणार आहेत. राज्यभरातील बाराशे पदाधिकारी या बैठकीला उपस्थित राहणार असल्याची माहिती शहराध्यक्ष जगदीश मुळीक यांनी आज पुण्यात दिली आहे. तीन दिवस जेपी नड्डा पुण्यात राहणार असून, तीन दिवस वेगवेगळ्या बैठका घेणार आहे. यामध्ये भाजपा आमदार, खासदाराची सुद्धा बैठक स्वतः जे पी नड्डा घेणार आहेत.

प्रदेश कार्यकरणी करण्याच्या बैठकीला महत्त्व :पुण्यात बोलताना काल देवेंद्र फडवणीस म्हणाले की, येणाऱ्या वर्ष हे निवडणुकांचे वर्ष आहे. त्यामुळे भाजपा प्रदेश कार्यकरणी होणारी बैठक आहे, ती महत्त्वाची मानली जात आहे. कर्नाटक राज्याच्या निकाल लागल्यानंतर भाजपामध्ये एक अस्वस्थता निर्माण झालेली आहे. त्याचा फटका महाराष्ट्रात बसू नये यासाठी स्वतः जे.पी नड्डा या ठिकाणी उपस्थित राहून कार्यकर्त्यांशी संवाद साधणार आहेत. त्यामुळे या प्रदेश कार्यकरणी करण्याच्या बैठकीला महत्त्व प्राप्त झाला असून, कार्यकर्त्यांसोबत खासदार आमदारांना सुद्धा वेगवेगळ्या जबाबदाऱ्या देणार असल्याची माहिती जगदीश मुळीक यांनी दिली आहे .

भाजपाची रणनीती काय :येणाऱ्या निवडणुकीमध्ये भाजपाची काय रणनीती असायला पाहिजे, कार्यकर्त्यांनी कसे काम केले पाहिजे. याची चर्चा या बैठकीत होणार आहे. राज्यातील आणि जिल्ह्यातील वेगवेगळे भाजपाच्या पदाधिकारी यांच्या नवं नियुक्ती निवडी सुद्धा होण्याची शक्यता आहे. त्यामुळे त्याचे सुद्धा विचार या बैठकी पूर्वी करण्यात येणार असल्याची माहिती देण्यात आली आहे.

पुणे जिल्ह्याचे दृष्टीने पाहिले तर पुणे लोकसभेची पोटनिवडणूक सुद्धा होण्याची शक्यता आहे. त्यासाठी भाजपामध्ये इच्छुकांची मोठी गर्दी आहे. त्यामुळे भाजपातल्या अंतर्गत विरोधाचा विचार करता कसबापोटनिवडणुकीत झालेला पराभव, त्यातून धडा घेणे गरजेचे असल्याने प्रदेश भाजपाकडून यावर गांभीर्याने विचार होण्याची शक्यता आहे.