पहिला श्रावणी सोमवार : भीमाशंकरच्या ज्योतिर्लिंगाची पूजा, पहाटेपासून दर्शनासाठी भाविकांची रांग

आज श्रावणाचा पहिला सोमवार असल्याने देशभरातून अनेक भाविक भीमाशंकराच्या दर्शनासाठी दाखल झाले आहेत.

पुणे - "हर हर महादेव", "ओम नमः शिवाय"चा जयघोष करत, आज पहाटे पासूनच बारा ज्योतिर्लिंगांपैकी एक असणाऱ्या भीमाशंकरला भाविकांनी लांबच लांब रांगा लावल्या आहेत. आज श्रावणाचा पहिला सोमवार असल्याने देशभरातून अनेक भाविक भीमाशंकराच्या दर्शनासाठी दाखल झाले आहेत.

पहाटे तीन वाजता मंदिर परिसराची साफसफाई करून, शिवलिंगाचे पूजन करून, चंदनाचा लेप लावून तसेच बेल फुले वाहून पूजा करण्यात आली.

भीमाशंकराच्या मंदिराचा जीर्णोद्धार प्राचीन काळात करण्यात आला असून या मंदिरातील शिवलिंग हे अनादी काळापासून आहे. अर्धनारीनटेश्वर रूप असलेले हे शिवलिंग एका बाजूला मातापार्वती तर, दुसऱ्या बाजुला शिवशंकर असे आहे.