पिंपरी-चिंचवड (पुणे) - कोरोनाच्या पार्श्वभूमीवर केवळ पन्नास जणांच्या उपस्थितीत तुकाराम बीज सोहळा करावा, अशा सूचना प्रशासनाकडून देण्यात आल्या होत्या. मात्र, वारकरी या ठिकाणी येऊन तुकाराम बीज सोहळा उद्या (दि. 30 मार्च) साजरा करण्याचा निर्णय बंडातात्या कराडकर यांनी घेतला आहे. मात्र, कायद्याचे उल्लंघन केल्यास योग्य कायदेशीर कारवाई केली जाईल, असा इशारा पोलीस उपायुक्त आनंद भोईटे यांनी दिली आहे.
आढावा घेताना प्रतिनिधी
प्रशासनाने आडविल्यास भजन सत्याग्रह करू
देहूगावच्या वेशीवर बंडातात्या कराडकर पोहोचले असून काही वेळातच ते वारकाऱ्यांसह आंदोलन करणार आहेत. यावेळी प्रशासन किंवा पोलिसांकडून अडवणूक झाल्यास त्याच ठिकाणी भजन सत्याग्रह करू, असा इशारा बंडातात्यांनी दिला आहे. त्याचबरोबर निवेदन देऊन ते परत जाणार असल्याचेही देखील त्यांनी म्हटले आहे.