पुणे - सध्या देशभर राष्ट्रीय नागरिक नोंदणी (एनआरसी) आणि नागरिकत्व सुधारणा कायद्याचा (सीएए) विरोध होत आहे. तर, दुसरीकडे भाजप कार्यकर्ते या कायद्याचा प्रचार आणि प्रसार करताना दिसत आहेत. यातच, पिंपरी चिंचवड शहरातील मसुळकर वसाहतीत हळदी कुंकवाच्या कार्यक्रमानिमित्त महिलांना कायद्याच्या माहितीच्या पुस्तिकेचे वाटप करण्यात आले.
हळदी-कुंकू कार्यक्रमात नागरिकत्व कायद्याची जनजागृती
भाजप कार्यकर्त्यांचा एनआरसी आणि सीएएच्या समर्थनार्थ जोरदार प्रचार-प्रसार सुरू आहे. संक्रातीनिमित्ताने पिंपरी चिंचवड शहरात हळदी कुंकवाचा कार्यक्रम पार पडला. यावेळी, भाजपच्या महिला कार्यकर्त्या विणा सोनवळकर यांनी घरगुती कार्यक्रमाचे आयोजन केले होते.