पुणे- कोरोनाचा प्रादुर्भाव रोखण्यासाठी प्राथमिक आरोग्य केंद्राचे डॉक्टर, आरोग्य सेवक, परिचारिका, आशा वर्कर दिवस-रात्र मेहनत घेत आहेत. शहरी भागातून आलेल्या लोकांना होमक्वारंटाइन करून त्यांची तपासणी करत आहेत. यावेळी अनेक रुग्णांशी त्यांचा संपर्क येत असतो.
प्राथमिक आरोग्य केंद्राच्या कर्मचाऱ्यांमध्ये भीतीचे वातावरण निर्माण झाले आहे. त्यामुळे, खेड पंचायत समितीच्या माध्यमातून पीपीए मेडिकल किट उपलब्ध करून देऊन प्राथमिक आरोग्य केंद्रांना वाटण्यात आले. प्राथमिक आरोग्य केंद्राच्या डॉक्टर, आरोग्य सेवक, परिचारिका आणि आशा वर्कर यांच्यामार्फत शहरी भाग, ग्रामीण भागातील गाववस्तीपर्यंत प्रत्येक नागरिकाची तपासणी करण्यात आली. यामध्ये हे आरोग्य कर्मचारी कुठल्याही प्रकारची सुरक्षा उपलब्ध नसतानाही मोठ्या मेहनतीने काम करत होते.
प्राथमिक आरोग्य केंद्रातील कर्मचाऱ्यांना किटचे वाटप