पुणे- विरोधकांची बटणे दाबू नका, असे आम्ही घसा कोरडा करुन सांगतोय. मात्र, तुझ्या बोटातच घोटाळा आहे. तुझे बोटच तिकडे जाते अन् नंतर ईव्हीएममध्ये घोटाळा आहे, असे म्हणतात, असे वक्तव्य राष्ट्रवादीचे नेते अजित पवार यांनी केले. पिंपरी विधानसभा मतदारसंघाचे राष्ट्रवादीचे उमेदवार अण्णा बनसोडे यांच्या प्रचारार्थ आयोजित सभेत ते बोलत होते
यावेळी अजित पवार म्हणाले, सत्ताधारी हे सभेच्या अगोदरच आंदोलकांना बसवतात. यावर कार्यकर्त्यांनी ही 'हिट्लरशाही' असे म्हटले. त्यानंतर पवार म्हणाले, हुकूमशाही आहे, हिटलरशाही आहे. राज्यात तेच चालले आहे. काय म्हणायचे आहे म्हणा, फक्त विरोधकांचे बटण दाबू नका, असे आवाहन अजित पवार यांनी केले.
हेही वाचा -राष्ट्रवादीचा जुना पैलवान भाजपच्या तालमीत, माजी आमदार बापू पठारे भाजपात