पुणे - पुणे शहरातल्या सिंहगड रस्ता परिसरातील नागरिक वाहतूक कोंडीच्या समस्येने गेली अनेक वर्षे त्रस्त आहेत. या भागातील वाहतूक कोंडी सोडवण्याच्या दृष्टीने आता विठ्ठलवाडी ते माणिकबाग दरम्यान उड्डाणपूल केला जाणार आहे, अशी माहिती आमदार माधुरी मिसाळ यांनी दिली आहे. सिंहगड रस्त्यावर विठ्ठलवाडी कमान ते माणिकबाग दरम्यान उड्डाणपूल होणार असून, त्यासाठी महानगरपालिके तर्फे जिओ टेक्निकल सर्वेक्षण करून अहवाल दाखल करण्यात आला आहे. लवकरच प्रत्यक्ष कामास सुरूवात होईल, असे आमदार मिसाळ यांनी सांगितले. महानगरपालिकेच्या अंदाजपत्रकात या कामासाठी १२५ कोटी रुपयांची तरतूद उपलब्ध झाली आहे. उड्डाणपुलाचे काम २०२२ पर्यंत पूर्ण होण्याची शक्यता आहे.
पत्रकार परिषदेमध्ये बोलताना भाजप आमदार माधुरी मिसाळ