पुण्यात तेल आणि खाद्यपदार्थाच्या गोदामाला भीषण आग

शहरातील येवलेवाडी येथील एका तेल आणि खाद्यपदार्थाच्या गोडाऊनला भीषण आग लागल्याची घटना घडली. अग्निशामक दलाच्या ८ गाड्या आणि ३ टँकर घटनास्थळी दाखल झाले आहेत.

पुणे - शहरातील येवलेवाडी येथील एका तेल आणि खाद्यपदार्थाच्या गोडाऊनला भीषण आग लागल्याची घटना घडली. अग्निशामक दलाच्या ८ गाड्या आणि ३ टँकर घटनास्थळी दाखल झाले आहेत. आगीवर नियंत्रण मिळविण्याचे प्रयत्न सुरू आहेत. यामध्ये कोणत्याही प्रकारची जीवितहानी झाली नाही.

सकाळी सव्वासातच्या सुमारास ही आग लागली आहे. गोडाऊनमध्ये तेल आणि खाद्यपदार्थ असल्याने आगीने रौद्ररूप धारण केले आहे. आगीवर अद्यापही नियंत्रण मिळवता आले नसून आग विझवण्याचे काम सुरू आहे. या गोडाऊनजवळ उभ्या असणाऱ्या ट्रकने पेट घेतला आणि त्यानंतर आग लागल्याची माहिती मिळते आहे.

पुण्यात गोडाऊनला भीषण आग