बारामती - मागील दोन वर्षांपासून अवकाळी पाऊस, गारपिट व कोरोना संकटामुळे शेतकरी पूर्णतः खचून गेला आहे. या संकटांमुळे शेतकऱ्यांचे आर्थिक कंबरडे मोडले आहे. या परिस्थितीतून सावरत असतानाच मागील दोन दिवसात इंदापूर व बारामती तालुक्यातील अनेक गावात वादळी वाऱ्यासह पाऊस झाला. त्यामुळे शेतकऱ्यांचे मोठे नुकसान झाले आहे.
बारामतीत युवा शेतकऱ्याची 2 एकर केळी जमीनदोस्त, 7 लाखाचे नुकसान
6 ते 7 लाख रुपयांचे नुकसान
बारामती तालुक्यातील काटेवाडी गावातील शेतकऱ्यांना कालच्या वादळी वाऱ्याचा फटका बसला आहे. येथील सुजित मासाळ या युवा शेतकऱ्याची तर 2 एकर केळीची बाग या वादळी पावसाने जमीनदोस्त झाली आहे. त्यामुळे या शेतकऱ्याचे 6 ते 7 लाख रुपयांचे नुकसान झाले आहे.
हाता तोंडातला घास हिरावला