पुणे- वाळू व्यावसायिकावर गोळ्या झाडल्याची घटना वानवडी पोलीस स्टेशन हद्दीत आज दुपारच्या सुमारास घडली. या हल्ल्यात एक व्यावसायिक जखमी झाला आहे. त्याच्यावर खासगी रुग्णालयात उपचार सुरू आहे. मयूर हांडे (वय ३२) असे जखमी व्यावसायिकाचे नाव आहे.
पुण्यात दिवसाढवळ्या गोळीबार
मयूर हांडे यांचा बांधकामासाठी वाळू पुरवण्याचा व्यवसाय आहे. पोलिसांनी दिलेल्या माहितीनुसार, हांडे हे श्रीराम चौकातून जात असताना दुचाकीवरून आलेल्या अज्ञात व्यक्तीने त्यांच्यावर गोळीबार केला. यामध्ये हांडे जखमी झाले. त्याना जवळच्या खासगी रुग्णालयात दाखल करण्यात आले असून त्यांच्यावर उपचार सुरू आहे. वानवडी पोलिसांकडून या प्रकरणी गुन्हा दाखल करण्याची प्रक्रिया सुरू आहे.