पुणे - जगातील सर्वात मोठी रेडिओ दुर्बीण असलेल्या जीएमआरटी खोडद येथे २ दिवसीय विज्ञान प्रदर्शनाचे आयोजन करण्यात आले होते. या प्रदर्शनास यावर्षी जवळपास २४ हजार विज्ञान प्रेमींनी भेट दिल्याची नोंद करण्यात आली आहे.
रेडिओ दुर्बीण प्रकल्पातील विज्ञान प्रदर्शनाची पारितोषिक वितरण करून सांगता
दिवसेंदिवस नवनवीन संशोधनाकडे प्रत्येकाचा कल वाढत चालला आहे. त्यातच शाळकरी विद्यार्थी संशोधनात अग्रेसर असताना पहायला मिळत आहेत. खोदड येथील २ दिवसीय विज्ञान प्रदर्शनात सहभागी झालेल्या विद्यार्थ्यांचे प्रकल्प ४ स्तरांमध्ये विभागले होते. इयत्ता पाचवी ते सातवी, आठवी ते दहावी, अकरावी / बारावी / आयटीआय / डिप्लोमा, बीएस्सी व बीई / एमई, एमएस्सी अशा ४ विभागात प्रथम, द्वितीय, तृतीय आणि उत्तेजनार्थ पारितोषिके आज(रविवार) देण्यात आली.