पुणे- आंबेगाव तालुक्यातील वडगाव काशिंबेग गावात पाण्यात बुडून दोन चिमुकल्या बहिण-भावाचा मृत्यू झाला. ही दुर्देवी घटना शनिवारी दुपारी घडली. प्रेम विजय पवार आणि काजल विजय पवार अशी मृत बहीण-भावांची नावे आहे. दोघे विश्रांतवाडी पुणे येथे राहणारे होते.
घोडनदीत बुडून दोन चिमुकल्या बहिण-भावाचा मृत्यू
वडगाव काशिंबेग येथील घोडनदीवर प्रेम आणि काजल हे दोघे चुलती व दोन मोठ्या भावंडांसह कपडे धुण्यासाठी गेले होते. त्यावेळी नदीच्या किनाऱयावर खेळत असताना प्रेमचा पाय घसरून नदीत पडला. त्याला वाचविण्याच्या प्रयत्नात त्याची बहीण काजल पाय घसरुन नदीत पडली.