पुणे - फुले दाम्पत्य सन्मान दिन आणि सावित्रीबाई फुले यांच्या जयंतीचे औचित्य साधून डेक्कन एज्युकेशन सोसायटी संचलित अहिल्यादेवी हायस्कूलच्या विद्यार्थिनींनी सावित्रीबाई फुलेंना अनोख्या पद्धतीने अभिवादन केले. यावेळी शाळेतील १८९ विद्यार्थिनी सावित्रीबाई फुलेंच्या वेशभूषेत शाळेत आल्या होत्या. तसेच, याच वेशभूषेत त्यांनी लॅपटॉप, मोबाईल, हेडफोन अशा आधुनिक शिक्षण साहित्यांचा उपयोग केला. सावित्रीबाईंमुळेच मुलींना हे दिवस पाहायला मिळत आहेत, याबद्दल मुलींनी त्यांच्याप्रती ऋण व्यक्त केले.
अहिल्यादेवी हायस्कूलच्या विद्यार्थिनींचे सावित्रीबाई फुलेंना अनोखे अभिवादन