परभणी- परभणी लोकसभा मतदारसंघात २०१४ च्या तुलनेत यंदा मतदानाचा टक्का घसरला आहे. यावेळी फक्त ६३.१९ टक्के मतदानाची नोंद करण्यात आली आहे. गेल्या निवडणुकीत ६४.४४ टक्के मतदान झाले होते. यंदा जवळपास सव्वा टक्क्यांनी मतदानामध्ये घट झाली असून ही घट कुणाच्या पथ्थ्यावर पडणार हे येत्या २३ मे रोजी कळणार आहे.
परभणी लोकसभा मतदारसंघातील मतदानाबद्दल माहिती देताना ईटीव्ही भारतचे प्रतिनीधी
परभणीत परतूर मतदारसंघात सर्वाधिक ६६.८९ टक्के मतदान झाले आहे. याठिकाणी ३ लाख ४९ हजार ९३० मतदारांपैकी २ लाख ३४ हजार ८५ मतदारांनी मतदानाचा हक्क बजावला. सर्वात कमी मतदान झालेल्या परतूरमध्ये २ लाख ९२ हजार ६२९ पैकी १ लाख ७४ हजार १२२ मतदारांनी मतदान केले. याशिवाय जिंतुरामधील ३ लाख ४७ हजार ९५९ मतदारांपैकी २ लाख २० हजार ८५८ आणि परभणीत ३ लाख १२ हजार ८ मतदारांपैकी १ लाख ९० हजार ५७६ जणांनी मतदान केले.