परभणी - सेलू तालुक्यातील देवगावफाट्यापासून १ किमी अंतरावर अज्ञात वाहनाने दुचाकीस्वारांना उडवले. यात दुचाकीवरील एक जण जागीच ठार झाला आहे. तर, त्याचा सहकारी गंभीर जखमी झाला आहे. एकनाथ रोडगे (वय ४५ रा. रवळगांव ता.सेलू) असे या अपघातात मरण पावलेल्या व्यक्तीचे नाव आहे.
एकनाथ रोडगे हे जानकिराम बाबाराव चव्हाण (वय ४५ रा. पिंपळगाव काजळे ता.जिंतूर) यांच्या सोबत दुचाकीवरून गुरुवारी रात्री १० वाजता देवगाव फाट्यावरून जात होते. त्यावेळी अज्ञात वाहनाने त्यांच्या दुचाकीला (एम.एच. २०, ए.डी. ५३६०) उडविले. हा अपघात एवढा भीषण होता, की दुचाकीवरील एकनाथ रोडगे यांचा जागीच मृत्यू झाला. तर, जानकिराम चव्हाण हे गंभीर जखमी झाले.