परभणीत 844 रुग्ण कोरोनामुक्त; नवीन 563 जणांना बाधा, तर 15 मृत्यू

परभणी जिल्ह्यात आज 15 रूग्णांचा कोरोनामुळे मृत्यू झाला. नवीन 563 जणांना कोरोना झाला. तर 844 रूग्ण कोरोनामुक्त झाले. सध्या 3 हजार 578 रुग्ण अ‍ॅक्टिव्ह आहेत.

परभणी - जिल्ह्यात एप्रिल महिन्यात हाहाकार माजवणाऱ्या कोरोनाने मे महिन्याच्या सुरुवातीपासून काहिसा दिलासा दिल्याचे चित्र आहे. गेल्या 15 दिवसांपासून नव्याने आढळून येणाऱ्या रूग्णांपेक्षा कोरोनामुक्त होणाऱ्या रुग्णांची संख्या अधिक आहे. आज (15 मे) 844 रुग्ण कोरोनामुक्त झाले, तर नवीन 563 बाधितांची नोंद झाली आहे. दरम्यान, 15 जणांचा आज कोरोनामुळे मृत्यू झाला आहे.

3 हजार 578 रुग्ण अ‍ॅक्टिव्ह

आज 563 नवीन रूग्ण आढळले. 15 रुग्णांचा उपचारादरम्यान मृत्यू झाला. सध्या जिल्हा रुग्णालयातील कक्षात 3 हजार 578 रूग्ण उपचार घेत आहेत. तर आजपर्यंत एकूण 1 हजार 117 कोरोना रूग्णांचा मृत्यू झाला. तसेच जिल्ह्यात आजपर्यंत एकूण 45 हजार 915 कोरोनाबाधित व्यक्ती आढळल्या. त्यापैकी 41 हजार 220 कोरोनामुक्त झाले. दरम्यान, जिल्हा रुग्णालय प्रशासनातर्फे आतापर्यंत 2 लाख 75 हजार 358 व्यक्तींचे नमुने तपासण्यात आले. त्यात 2 लाख 29 हजार 278 व्यक्तींचे नमुने निगेटिव्ह आले, तर 45 हजार 915 व्यक्तींचे नमुने पॉझिटिव्ह आले. 1116 नमुने अनिर्णायक आहेत. तर 140 नमुने नाकारण्यात आले.

15 रूग्णांचा मृत्यू

गेल्या 24 तासात परभणी जिल्ह्यात 15 कोरोना रूग्णांचा मृत्यू झाला. यात 8 पुरुष तर 7 महिलांचा समावेश आहे. यात जिल्हा रूग्णालयात सर्वाधिक 5 मृत्यू झाले. जिल्हा रुग्णालयाच्याच आयटीआय इमारतीमधील कोरोना हॉस्पिटलमध्ये 4 व जिल्हा परिषदेच्या कोविड हॉस्पिटलमध्ये 3 जणांचा मृत्यू झाला. याशिवाय चिरायू, सिद्धिविनायक व पाडेला या खासगी हॉस्पिटलमध्ये प्रत्येकी 1 अशा एकूण 15 रुग्णांचा मृत्यू झाला.

हेही वाचा -ना मोदी ना पवार, थेट सोनिया गांधींना देवेंद्र फडणवीसांचे पत्र