परभणी - जायकवाडी धरणातून मोठ्या प्रमाणात सोडण्यात आलेल्या पाण्यामुळे गोदावरी नदीला महापूर आला आहे. ज्यामुळे परभणी जिल्ह्यातील गोदाकाठावरील शेकडो एकर जमीन जलमय झाली आहे. परिणामी शेतांना अक्षरशः तळ्यांचे स्वरूप आले आहे. आधी पावसाने झोडपलेला शेतकरी आता या पुरामुळे पुरता उद्ध्वस्त झाला आहे. त्यामुळे या शेतकऱ्यांनी तात्काळ पंचनामे करून लवकरात लवकर मदत द्यावी, अशी मागणी केली आहे.
गोदावरीला महापूर आल्याने नदीकाठच्या शेतीचं प्रचंड नुकसान 'जायकवाडी'तून सोडलेल्या पाण्यामुळे 'गोदावरी'ने धोक्याची पातळी ओलांडली आहे. ज्यामुळे गंगाखेड तालुक्यातील काही गावांचा संपर्कही काही काळासाठी तुटला होता. गंगाखेड शहरातील पंचमंदिरे पाण्याखाली गेली आहेत. स्मशानभूमीलाही पाण्याचा वेढा पडला असून पाण्याने गोदाकाठावरील शेकडो एकर शेती उद्ध्वस्त करून टाकली आहे. गोदावरी'चे बॅकवॉटर घुसून अनेक शेतांचे रुपांतर तळ्यांमध्ये झाले आहे. या शेतांमधील पिके पूर्णतः पाण्याखाली गेल्याने शेतकऱ्यांचे न भरून येणारे नुकसान झाले आहे. काही शेतांमध्ये तर तराफ्यांवरून मासेमारी होत असल्याचे चित्र दिसून आले. गोदावरीला महापूर आल्याने नदीकाठच्या शेतीचं प्रचंड नुकसान या पाण्यामुळे आमचे न भरून येणारे नुकसान झाले असून, शासनाने आर्थिक मदत देण्याची मागणी शेतकऱ्यांनीकेली. याठिकाणी शेतकरी गोपाळ चौधरी, साबेर शेख यांनी नुकसानीचे पंचनामे करून शासनाने आर्थिक सहाय्य आणि पीक विमा भरपाई लवकरात लवकर मिळवून द्यावी, अशी मागणी केली. तसेच महात्मा फुले समता परिषदेचे माजी तालुकाध्यक्ष संजय सोनटक्के व प्रदीप चौधरी व अन्य काही शेतकऱ्यांनी देखील तहसीलदारांनी लवकरात लवकर पंचनामे करण्याची मागणी केली आहे.
