परभणी - तुमच्या चिक्की आणि मोबाईल घोटाळ्याची चौकशी माझ्या अध्यक्षतेखाली होऊ द्या, असा पलटवार धनंजय मुंडे यांनी भाजप नेत्या पंकजा मुंडेंवर केला. ते जिंतूर येथील राष्ट्रवादी उमेदवाराच्या प्रचारसभेत बोलत होते. धनंजय मुंडे हे तोडपाणी करणारे आहेत, असा आरोप काही दिवसांपूर्वी पंकजा मुंडेंनी केला होता. त्याला प्रत्युत्तर देताना ते बोलत होते.
जिंतूरच्या सभेत बोलताना धनंजय मुंडे
धनंजय मुंडे म्हणाले, की पंकजा मुंडे यांनी आमदार विजय भांबळे आणि माझ्यावर तोडपाणी करणारे आमदार म्हणून टीका केली, असे असेल तर तुमच्या अध्यक्षतेखाली माझी चौकशी करा. मी कोणत्याही चौकशीला सामोरे जाण्यास तयार आहे. पण, तुमच्या चिक्की घोटाळ्याची चौकशी माझ्या अध्यक्षतेखाली होऊ द्या.