पालघर जोरदार पाऊस, वीज कोसळून तरुण जखमी

पालघरमध्ये बुधवारी विजेच्या कडकडाटासह जोरदार पाऊस पडला. त्यामुळे वाडा तालुक्यातील जनजीवन विस्कळीत झाले आहे. त्यातच वीज अंगावर कोसळल्याने एक जण जखमी झाला आहे.

पालघर - जिल्ह्यात बुधवारपासून विजेच्या कडकडाटासह जोरदार पाऊस झाला. यामध्ये वाडा तालुक्यातील बुधावली गावात एक ३५ वर्षीय तरुण अंगावर वीज कोसळल्याने जखमी झाला आहे. पिंट्या शेलार, असे त्या तरुणाचे नाव आहे.

पिंट्या विजेच्या कडकडाटासह पाऊस सुरू असताना घराबाहेर पडला. त्यातच तो उभा असताना त्याच्या अंगावर वीज कोसळली. यामध्ये तो जखमी झाला असून त्याला वाडा ग्रामीण रुग्णालयात उपचारासाठी हलवण्यात आले आहे.

दरम्यान, गुरुवारी पावसाने विजेच्या कडकडाटासह मुसळधार पावसाला सुरुवात झाली आहे. त्यामुळे वाड्यातील जनजीवन विस्कळीत झाले आहे.