रांची : महाराष्ट्राच्या पालघरमध्ये चोरी करुन पळालेल्या दोन चोरांना झारखंडच्या साहिबगंजमधून अटक करण्यात आली आहे. या चोरांकडून पोलिसांनी ३२५ ग्रॅम सोने, आणि साडेपाच लाख रुपयांची रोख रक्कम जप्त केली आहे. तसेच, अधिक तपास सुरू आहे.
पालघरमध्ये चोरी करुन पळालेल्या दोघांना झारखंडमधून अटक
पालघरमध्ये झाली होती चोरी..
याबाबत मिळालेल्या माहितीनुसार, पालघरच्या बोईसर पोलीस ठाण्याच्या हद्दीत एका सराफ दुकानात चोरी झाली होती. या चोरांचा शोध घेत महाराष्ट्र पोलीस थेट हरियाणापर्यंत पोहोचले. त्याठिकाणी राजमहल एसडीपीओच्या मदतीने राधानगर पोलीस ठाण्याच्या हद्दीत येणाऱ्या पियारपूर गावात पोलिसांनी छापेमारी केली. यामध्ये दोन चोरांना अटक करण्यात पोलिसांना यश आले.